Íslenski landsliðsmarkvörðurinn Hákon Rafn Valdimarsson hefur skrifað undir nýjan langtímasamning við Brentford sem gildir til sumarsins 2030, með möguleika á framlengingu um tvö ár til viðbótar.
Hákon, sem er 24 ára, kom til félagsins í janúar 2024 frá sænska liðinu Elfsborg og var upphaflega samningsbundinn til 2028. Hann hefur síðan leikið 12 leiki fyrir Brentford í öllum keppnum og heillaði í deildabikarnum á þessari leiktíð.
We’re delighted to announce that Hákon Valdimarsson has signed a new contract with us through to 2030, with a further two-year club option
Congratulations, Hákon 👏
— Brentford FC (@BrentfordFC) April 24, 2026
„Ég er mjög ánægður með að vera hér áfram. Tíminn minn hjá félaginu hefur verið mjög góður og ég finn að ég hef bætt mig á öllum sviðum sem markvörður,“ sagði Hákon eftir undirskriftina.
Knattspyrnustjórinn Keith Andrews Andrews segist afar ánægður með að halda Hákoni hjá félaginu og undirstrikaði mikilvægi hans innan hópsins. „Hann er stór hluti af þessu félagi, vinsæll innan klefans og framúrskarandi markvörður.“
Hákon segist nú stefna að því að halda áfram að bæta sig og berjast fyrir fleiri mínútum með Brentford.
"I’ve learnt and developed a lot. I just feel completely different. I’ve improved in everything as a goalkeeper" 💬
Hákon Valdimarsson on his new contract, the GK unit, and his aims going forward pic.twitter.com/08b2qzVv8Y
— Brentford FC (@BrentfordFC) April 24, 2026
