Chelsea hefur áhuga á miðjumanninum Alex Scott hjá Bournemouth, samkvæmt breska blaðinu Independent.
Lundúnaliðið er sagt vilja styrkja miðjuna, sérstaklega þar sem óvissa ríkir um framtíð Enzo Fernandez, sem hefur verið orðaður við Real Madrid.
Scott, sem er 22 ára, hefur vakið athygli fyrir frammistöðu sína í ensku úrvalsdeildinni eftir að hafa áður slegið í gegn með Bristol City.
Hann er fjölhæfur miðjumaður sem getur leyst nokkrar stöður og tengt vel á milli varnar og sóknar.
Chelsea lítur á hann sem langtímalausn á miðjunni og passar hann vel inn í stefnu félagsins um að byggja upp ungt og efnilegt lið.
Bournemouth er þó ekki tilbúið að selja leikmanninn nema fyrir háa upphæð, en talið er að hann kosti yfir 50 milljónir punda.
