John Terry var mættur á leik hjá Colchester í gær, 2-1 sigur gegn Accrington Stanley, en talað er um að hann sé hluti af hópi sem vill kaupa félagið.

Samkvæmt fréttum hefur hópurinn lagt fram tilboð upp á um 14 milljónir punda í félagið, sem hefur verið til sölu undanfarið ár.

Frændi hans, Frankie Terry, lék allan leikinn fyrir Colchester í gær, en sigurinn var sá þriðji í röð hjá liðinu.

Formaður félagsins hefur staðfest að viðræður séu í gangi, en vildi ekki tjá sig um hvaða aðilar koma að þeim.

Colchester hefur leikið í fjórðu efstu deild Englands í tíu ár í röð, en stuðningsmenn vonast til að nýir eigendur geti lyft félaginu á næsta stig.