Framlög vegna fjölnotaíþróttahúss KR lækka um 100 milljónir verði breytingartillögur borgarstjóra á fjárfestingaráætlun Reykjavíkurborgar samþykktar. Þetta kom fram á RÚV í gærkvöldi.
Pálmi Rafn Pálmason framkvæmdarstjóri KR er gáttaður á þessu en uppbygging á KR-svæðinu hefur lengi verið í kortunum, nú þegar framkvæmdir eru byrjaðar virðist eiga að hægja á þeim.
Nýr meirihluti tók til starfa í Reykjavík á dögunum en þar sitja Samfylkingin, Vinstri-Grænir, Píratar, Sósíalistar og Flokkur fólksins.
Er búið að cansela KR?https://t.co/kRMoO6ubhJ
— Jón Júlíus Karlsson (@JonJKarlsson) May 15, 2025
Framlög til selalaugar í Húsdýragarðinum eiga að hækka um 60 milljónir króna samkvæmt sama plani. Þá yrðu framlög vegna aðstöðumála Fram í Úlfarsárdal lækkuð um 45 milljónir gangi plönin eftir.
„Ég bara eiginlega á smá bágt með að trúa þessu og svolítið sjokk að heyra þetta. Við erum búin að bíða svolítið lengi eftir þessu og bara búa við mjög slæmar aðstæður fyrir okkar iðkendur sem eru tæplega tvö þúsund,“ segir Pálmi Rafn við RÚV.
„Ég vonast nú til þess að þetta verði ekki gert og að það verði haldið áfram að byggja hérna upp hjá okkur þannig að við séum með sómasamlega aðstöðu fyrir okkar krakka eins og aðra krakka í borginni. “
Pálmi segir tvö þúsund aðila æfa hjá KR og þetta muni bitna á börnum í félaginu sem hafa ekki nógu góða aðstöðu.
Katrín Atladóttir fyrrum borgarfulltrúi Sjálfstæðisflokksins blandar sér í málið á X-inu og segir. „Dýraníð já, íþróttastarf fyrir börn nei,“ skrifar Katrín.
Dýraníð já, íþróttastarf fyrir börn nei pic.twitter.com/YDVkZOMtWj
— Katrín Atladóttir (@katrinat) May 15, 2025
