Besti framherji Bestu deildarinnar, Patrick Pedersen sleit hásin fyrir tæpri viku í úrslitum bikarsins þegar Valur tapaði gegn Vestra.

Um var að ræða mikið áfall fyrir danska framherjann og Val en samkvæmt Dr. Football hafði Patrick mikið kvartað undan sársauka í hásin vikurnar fyrir leikinn.

„Hann sagði mér að Patrick hefur verið að kvarta undan í hásin í allt sumar, hann sagði að þetta hefði verið þaggað niður,“ sagði Hjörvar Hafliðason um samtal sem hann átti við mann sem þekkti málið.

Arnar Sveinn Geirsson, einn harðasti Valsari landsins sagði þetta satt og rétt.

„Þetta er rétt, hann hefur ekki verið að drepast í allt sumar. Hásinarnar hafa verið aumar, Túfa hefur verið að taka Patrick af velli. Þetta er það tímabil sem hann hefur verið í besta standinu, halda honum í takti. Er hægt að kenna því um að hann hafi slitið hásin? Átti hann ekki að spila bikarúrslitin? Hann er besti leikmaður liðsins og hefur getað spilað.“

„Það voru vísbendingar um að hásinin hafi verið slæm. Valur er ekki með pjúra 9 til að leysa hann af, hefði mátt hugsa það? Pælingin var að nota Birki Jakob í þessu hlutverki en svona er þetta.“