Grínistinn Andrew Lawrence hefur vakið hneykslun fyrir brandara sem hann ritaði á samfélagsmiðla í kjölfar hryllilegs atviks á sigurhátíð knattspyrnuliðs Liverpool á mánudag. Fimmtíu á þriggja ára maður ók þá í gegnum mannþröng með þeim afleiðingum að 79 manns slösuðust, nokkrir alvarlega.

Andrew Lawrence skrifaði um þetta: „Svo allrar sanngirni sé gætt þá myndi ég, ef ég væri í Liverpool, keyra í gegnum mannfjölda til að komast, fjandinn hafi það, burt þaðan.“

Þessi skrif hafa haft þær afleiðingar að grínklúbburinn Caddies Southend hefur aflýst sýningu með Lawrence. Í yfirlýsingu frá klúbbnum segir:

„Viðburðastjórar sem sem höfðu pantað sýningu með Andrew Lawrence hafa aflýst viðburðinum. Við styðjum ekki þau ummæli sem hafa verið viðhöfð á netinu og sendum öllum hlutaðeigandi í harmleiknum í Liverpool stuðning okkar og bænir.“

Andrew Lawrence hefur áður verið sakaður um ósmekklegt grín í kjölfar sorgarviðburða en nánar má lesa um þetta á vefnum Metro.