Rebekah Vardy eiginkona Jamie Vardy hefur samþykkt það að greiða Coleen Rooney 1,19 milljónir punda.

Um er að ræða lögfræðikostnað sem Coleen lagði út þegar hún vann dómsmál gegn Rebekah.

Þær voru eitt sinn vinkonur þegar Jamie Vardy og Wayne Rooney léku saman í enska landsliðinu en fljótt fór allt í apaskít.

Enska götublaðið The Sun hafði flutt mikið af fréttum af Coleen og eiginmanni hennar, Wayne. Til að byrja með voru fréttirnar allt um persónulegt líf þeirra hjóna. Til að byrja með voru fréttir The Sun allar réttar, upplýsingarnar komu eftir að Coleen Rooney, hafði deilt upplýsingum með nánum vinum á Instagram.

Coleen skildi ekki af hverju allar þessar upplýsingar rötuðu í The Sun, hún var aðeins með nána vini á þessum lokaða Instagram reikningi. Það kom því ekkert annað til greina en að vinkona eða vinur hennar væri að leka upplýsingum í blaðið. ,,Í nokkur ár hefur einhver sem ég treysti til að fylgja mér á persónulegum Instagram reikningi, lekið upplýsingum í The Sun,“ skrifaði Coleen þegar hún sakaði Vardy um að leka í blöðin.

Vardy hefur alltaf hafnað sök en Coleen var örugg á því að þetta hafi komið frá aðgangi Vardy, líklega einhver sem sá um samfélagsmiðla hennar. Var Coleen dæmdur sigur í einkamáli þeirra.

Málið hefur verið í gangi í fjögur ár en þá sagði Coleen frá því að sú sem væri undir grun væri Rebekah Vardy, eiginkona Jamie Vardy fyrrum samherja Wayne Rooney. ,,Síðustu fimm mánuði hef ég deilt helling af falsfréttum til að sjá hvort það myndi rata í The Sun. Það gerðist, fréttir um að velja kyn af næsta barni í Mexíkó. Að ég væri að snúa aftur í sjónvarp og það nýjasta, að það væri leki í kjallaranum okkar,“ allt þetta rataði í The Sun og Rebekah Vardy var sú eina sem sá færslurnar. ,,Ég hef vistað allar myndir sem sanna að bara einn aðili hefur séð þessar sögur á Instagram. Það er Rebekah Vardy,“ skrifaði Coleen.