Barcelona ætlar að stokka nokkuð vel upp í leikmannahópi sínum í sumar þrátt fyrir flott tímabil og gætu allt að átta leikmenn farið. Spænska blaðið Sport segir frá þessu.
Börsungar eru á toppi La Liga með 7 stiga forskot á Real Madrid þegar aðeins þrjár umferðir eru eftir. Þá hefur liðið þegar landað bikarmeistaratitlinum á leiktíðinni.
Það gætu þó orðið breytingar á hópnum í sumar, en eins og frægt er þarf Barcelona að selja leikmenn til að búa til fjárhagslegt svigrúm vegna vandræða sinna á þeim vettvangi.
Sport segir að menn eins og Inaki Pena, Hector Fort, Fermin Lopez, Pablo Torre, Pau Victor, Ronald Araujo, Ansu Fati og Gavi gætu allir farið, en þeir þrír síðarnefndu hafa áður verið í stóru hlutverki hjá Barcelona.
Þá kemur fram í sama fréttaflutningi að Barcelona sé þó til í að skoða tilboð í alla leikmenn sína, að einum undanskildum, er það hinn magnaði Lamine Yamal.
