2-2 jafntefli varð niðurstaðan hjá Lyon og Manchester United í fyrri leik liðanna í 8-liða úrslitum Evrópudeildarinnar.
Thiago Almada kom Lyon yfir á 26. mínútu leiksins með marki úr aukaspyrnu, þar sem Andre Onana átti vægast sagt að gera betur í marki United.
Leny Yoro jafnaði fyrir United undir lok fyrri hálfleiks og þannig var staðan allt þar til á 88. mínútu þegar Joshua Zirkzee skoraði það sem flestir héldu að yrði sigurmark leiksins.
Lyon átti hins vegar eftir að jafna. Þá náði Rayan Cherki frákastinu eftir að títtnefndur Onana missti boltann frá sér. Lokatölur 2-2 og allt opið fyrir seinni leikinn á Old Trafford.
Í sömu keppni gerði Tottenham 1-1 jafntefli við Frankfurt á heimavelli. Hinn eftirsótti Hugo Ekitike kom þýska liðinu yfir snemma leiks en Pedro Porro jafnaði.
Albert Guðmundsson var þá ónotaður varamaður í 1-2 sigri Lyon á Celje í Sambandsdeildinni, en úrslit kvöldsins í Evrópukeppnunum má sjá hér að neðan.
Evrópudeildin
Lyon 2-2 Manchester United
Tottenham 1-1 Frankfurt
Rangers 0-0 Athletic Bilbao
Sambandsdeildin
Djurgarden 0-1 Rapid Vín
Celje 1-2 Fiorentina
Real Betis 2-0 Jagiellonia
