U21 árs landslið karla mætir Skotlandi í æfingaleik á morgun klukkan 13:00. Leikurinn fer fram á Pinatar Arena á Spáni.
Liðið mætti Ungverjalandi í æfingaleik á sama stað síðasta föstudag þar sem Ísland hafði betur 3-0.
Ísland og Skotland hafa mæst 11 sinnum í þessum aldursflokki. Af þeim viðureignum hefur Ísland sigrað fimm sinnum, Skotland fjórum sinnum og hafa tvær viðureignir endað með jafntefli.
Leikurinn verður sýndur í beinni útsendingu á Síðu KSÍ í Sjónvarpi Símans.
