Tobias Thomsen skrifaði í gær undir samning við Íslandsmeistara Breiðabliks og mun spila með liðinu á komandi leiktíð.
Tobias fór í læknisskoðun hjá sjúkraþjálfara liðsins áður en skrifað var undir.
Hinn danski Tobias er íslensku knattspyrnuáhugafólki vel kunngur, því hann spilaði með KR og Val við góðan orðstír á árunum 2017-2020. Vann hann m.a. Íslandsmeistaratitilinn með báðum félögum. Alls á Tobias 63 leiki í efstu deild Íslandsmótsins og 18 mörk.
Tobias, sem er 32 ára, kemur til Breiðabliks frá portúgalska félaginu Torreense, þar sem hann hefur verið undanfarna mánuði. Þar á undan spilaði Tobias með Hvidovre í efstu deild Danmerkur.
Hér að neðan er fyrsti dagur danska framherjans í Kópavogi.
