Það hefur vakið nokkra athygli hversu lítið Viðar Örn Kjartansson hefur spilað hjá KA en hann hefur ekki enn byrjað deildarleik.
Í tvígang hefur svo Hallgrímmur Jónasson, þjálfari liðsins sett hann út úr hóp og sagt að Viðar hafi ekki æft nógu vel.
Viðar hefur byrjað einn leik í sumar en það kom gegn ÍR í bikarnum, síðan þá hefur hann lítið fengið að spila.
Samkvæmt mjög öruggum heimildum 433.is er riftunarákvæði í samningi Viðars sem kemur upp þegar félagaaskiptaglugginn opnar í júlí.
Var það að frumkvæði Viðars sem ákvæðið var sett inn í samninginn þegar Viðar samdi við KA í lok mars. Bæði Viðar og KA geta nýtt sér þetta ákvæði.
Viðar gekk í raðir KA í vetur eftir farsælan feril í atvinnumennsku þar sem hann hafði skorað mörk út um allan heim.