Bukayoa Saka er einn vinsælasti leikmaður Arsenal en hann er uppalinn hjá félaginu og er afar mikilvægur hlekkur í liðinu.
Saka er auðmjúkur og er lítið fyrir stjörnulífið en hann fékk mikið hrós frá stuðningsmönnum Arsenal eftir atvik sem átti sér stað á föstudag.
Saka hitti þar unga krakka sem spurðu hann margra spurninga og á meðal annars hvort hann gæti skipt um lið.
Einn krakki spurði Saka hvort hann væri til í að koma til Charlton og svaraði Englendingurinn: ,,Nei, nei, því miður strákar, Arsenal á of stórt pláss í mínu hjarta,“
Arsenal stuðningsmenn voru mjög hrifnir af þessu svari Saka sem gæti vel spilað með liðinu allan sinn feril.
