Það eru margir vinir varnarmannsins Malang Sarr sem hafa áhyggjur af sínum manni en hann er á mála hjá Chelsea.

Sarr hefur lítið fengið að spila með Chelsea eftir að hafa skrifað undir hjá félaginu fyrir um fjórum árum síðan.

Sarr fær 100 þúsund pund í vikulaun hjá Chelsea en neyðist til að æfa með varaliðinu og fær engar mínútur á vellinum.

Athletic fjallar um málið en Sarr reyndi að komast til Le Havre í Frakklandi í janúar en án árangurs.

,,Ég hef aldrei séð hann jafn sorgmæddan. Ég hef í raun aldrei séð hann í því standi sem hann er. Hann þarf að að ná andlegum bata,“ sagði vinur Sarr í samtali við Athletic.

,,Það er afskaplega erfitt þegar þú færð ekkert að spila, hann fær ekki einu sinni að vera í búningsklefa aðalliðsins. Hann er með krökkunum í annarri byggingu.“

Sarr er 25 ára gamall og var um tíma fyrirliði Nice í frönsku úrvalsdeildinni.