Noni Madueke, leikmaður Chelsea, hefur svarað þeirri gagnrýni sem hann hefur fengið undanfarna daga.
Madueke var gagnrýndur um síðustu helgi eftir leik Chelsea við Arsenal sem lauk með 1-1 jafntefli.
Eftir að hafa verið skipt af velli þá rauk Madueke til búningsklefa en hann segir að fólk sé að gera of mikið úr þessu ákveðna atviki.
,,Ég hélt niður leikmannagöngin til að fara á klósettið og var mættur aftur 30 sekúndum síðar,“ sagði Madueke.
,,Ég fer alltaf beint inn í klefa og fer á klósettið. Þetta er alls ekkert stórmál.“
Madueke er orðinn mjög mikilvægur leikmaður hjá Chelsea og byrjar nánast alla leiki liðsins.
