Wesley Fofana, leikmaður Frakklands, hefur komið liðsfélaga sínum Kylian Mbappe til varnar.
Mbappe hefur verið á forsíðum blaða víða um Evrópu undanfarið eftir að hafa sést á skemmtistað í Stokkhólmi á meðan franska landsliðið spilaði við Ísrael í Þjóðadeildinni.
Fofana segir að leikmenn Frakklands séu lítið að pæla í þessum sögum og að Mbappe megi gera það sem hann vill svo lengi sem hann sé ekki í hóp.
,,Fólk má gera það sem það vill í þeirra frítíma, þetta er ekki eitthvað sem við höfum rætt um í hópnum,“ sagði Fofana.
,,Ég hafði ekki heyrt af þessari sögu. Hann má gera það sem hann vill; hann er frábær leikmaður og frábær atvinnumaður.“
,,Er verið að gera of mikið úr þessu? Ég veit það ekki. Hann er besti leikmaður Frakklands svo það er eðlilegt að það sé fjallað um þetta.“
