433.is lagði fram könnun fyrir lesendur sína í gær og hafa rúmlega 2 þúsund einstaklingar tekið afstöðu.
Spurt var út í það hvort fólki litist betur á Guðna Bergsson eða Þorvald Örlygsson sem næsta formann KSÍ.
Báðir hafa staðfest framboð til formanns en kosið verður á ársþingi KSÍ í lok febrúar.
1055 telja Guðna vera betri kost fyrir KSÍ en 1028 telja Þorvald betri kost, munurinn er því varla mælanlegur.
Guðni hefur áður starfað sem formaður KSÍ en sagði upp störfum árið 2021. Þorvaldur hefur starfað sem rekstrarstjóri Stjörnunnar undanfarið en starfaði áður sem þjálfari hjá KSÍ.
