Antonio Rudiger hefur verið að spila vel í vörn Real Madrid undanfarið. Hann fékk hrós frá stjóra liðsins, Carlo Ancelotti og í kjölfarið fór Mesut Özil, fyrrum leikmaður Arsenal og Real Madrid, á ritvöllinn.
Rudiger gekk í raðir Real Madrid frá Chelsea fyrir síðustu leiktíð. Özil skaut aðeins á enska félagið í færslu sinni.
„Rudiger upp á sitt besta er besti varnarmaður heims eins og er. Ótrúlegt tímabil með fyrrum liði mínu, Real Madrid,“ skrifaði Özil á X og hélt áfram.
„Spyrjið Haaland eða Osimhen að því hvað hann er góður. Sjáið bara hvað kom fyrir Chelsea eftir að hann fór. Þeir sakna hugarfars hans alla daga.“
Prime Toni Rüdiger is just the world's best defender at the moment 🔥 Incredible season for my former club Real Madrid. You can also ask Haaland or Osimhen how good he is! Look what has happened with Chelsea after he left … they are missing his mentality every day … 👊🏼 https://t.co/izFYchdWEI
— Mesut Özil (@M10) January 3, 2024
