Íþróttavikan er á dagskrá alla föstudaga hér á 433 og í Sjónvarpi Símans. Þeir Helgi Fannar Sigurðsson og Hrafnkell Freyr Ágústsson fá til sín góða gesti og í þetta skiptið mætti Adam Ægir Pálsson, leikmaður Vals.

Adam hefur verið frábær fyrir Val á þessari leiktíð en hann kom frá Víkingi R. fyrir tímabilið. Þar fékk hann ekki traustið og var spurður út í það.

„Víkingur er ekki beint með lélega leikmenn. Ég náði aldrei að spila 2-3 leiki í röð og koma mér í gang sem er kannski skiljanlegt hjá svona stóru liði,“ sagði Adam í þættinum.

„Sjálfstraust skiptir svo miklu máli í fótbolta. Ég var alltaf að reyna að vinna eitthvað upp eða að bæta mig fyrir þjálfarana, einhvern annan en sjálfan mig. Núna tek ég aukaæfingar til að bæta sjálfan mig.

Ég spurði Arnar Gunnlaugs tímabilið 2021 að því hvað ég ætti að gera til að komast í liðið. Hann svaraði bara: „Adam, hvað á ég að gera? Við erum að vinna hvern einasta leik.“ Ég skildi hann vel en auðvitað langaði mig að spila.“

Umræðan í heild er í spilaranum.