Það var Roy Massey sem sá um að losa Harry Kane á sínum tíma er sóknarmaðurinn var aðeins 12 ára gamall og á mála hjá Arsenal.

Massey hefur opnað sig um það sem átti sér stað en Kane er í dag einn besti framherji heims og hóf ferilinn hjá Arsenal.

Þegar Kane var 12 ára gamall var það ákvörðun félagsins að losa hann úr akademíu félagsins sem var þá í umsjón Massey.

Kane samdi síðar við Tottenham en hann var ákveðinn í að standa sig hjá Arsenal og bauðst til að mynda stil að gerast markvörður.

,,Þegar ég sé Harry í dag þá get ég ekki annað en hugsað um þegar hann var vongóður 12 ára gamall strákur sem var á skrifstofunni minni ásamt mömmu hans og pabba. Hann var ekki beint nógu góður fyrir það sem við leituðum að,“ sagði Massey.

,,Þetta var erfiðasti hluti starfsins, að segja strákunum að Arsenal þyrfti að láta þá fara. Stuttu seinna kom pabbi Harry upp að mér og sagði að hann væri tilbúinn að gerast markmaður – það minnsta sem ég gat gert var að senda hann til markmannsþjálfarans Alex Welch.“

,,Alex var einn sá besti í bransanum og eftir nokkrar æfingar tjáði hann mér að Harry yrði aldrei nógu góður í marki. Hann þurfti að horfa annað og ég veit hversu mikið það særði hann.“