Það kom upp skemmtilegt atvik á æfingu enska landsliðsins í gær. Þá hitti Bukayo Saka, ein af stjörnum liðsins, David Beckham.
Beckham er auðvitað goðsögn í knattspyrnuheiminum, þá sérstaklega á Englandi, og var Saka einstaklega heillaður.
„Fyrirgefið að ég trufli. Má ég fá að taka mynd með þér?“ spurði Saka Beckham, er sá síðarnefndi ræddi við landsliðsþjálfarinn Gareth Southgate og Jack Grealish.
“Sorry to interrupt, can I have a picture with you?”
Bukayo Saka, some guy ❤️pic.twitter.com/0FdLatWjdt
— SPORTbible (@sportbible) December 6, 2022
Þetta var til umræðu í HM-hlaðvarpi íþróttadeildar Torgs (Fréttablaðsins og DV) í dag.
„Ég skil hann að vissu leyti. Tuttugu ára ég hefði alltaf beðið um mynd,“ sagði Benedikt Bóas Hinriksson um málið.
Helgi Fannar Sigurðsson var einig í þættinum og hafði gaman að atvikinu.
„Ég var hissa því ég hélt að allir leikmenn enska liðsins, sem eru búnir að vera í liðinu lengi, hefðu hitt David Beckham. Hann var eins og hver stuðningsmaður að biðja um mynd. Beckham sagði bara að þetta væri sjálfsagt og var hálf hissa á þessu sjálfur.“
Umræðuna má heyra hér að neðan.
