Það voru margir sem bjuggust við stórsigri Víkings Reykjavíkur á föstudag er liðið spilaði við Inter Escaldes í forkeppni Meistaradeildarinnar.
Aðeins eitt mark var þó skorað í leiknum. Kristall Máni Ingason skoraði það á 69. mínútu sem dugði til að fleyta Víkingum áfram í næstu umferð.
„Var þetta ekki ágætis áminning fyrir íslenskan fótbolta að vanmeta aldrei neinn?“ sagði Hjörvar Hafliðason í hlaðvarpsþættinum Dr. Football um leikinn á föstudag.
Jóhann Már Helgason, einn af sérfræðingum þáttarins, segir Inter Escaldes hafa lagt leikinn vel upp. „Þeir (Víkingur) komu til að rústa leiknum en mættu liði sem vissi alveg hvað það væri að fara að gera, og eru bara þokkalega öflugir í því, loka svæðum og fara engan veginn fram úr sér í einu eða neinu.“
Svíþjóðarmeistararnir í Malmö eru næstu andstæðingar Víkinga í Meistaradeildinni. Það verður allt önnur áskorun leikurinn gegn Inter Escaldes.