fbpx
Laugardagur 30.ágúst 2025
433Sport

Ten Hag fær á baukinn fyrir að tala vel um perrakarlinn

433
Mánudaginn 16. maí 2022 12:05

Getty Images

Ekki missa af Helstu tíðindum dagsins í pósthólfið þitt

Lesa nánar

Erik ten Hag nýr stjóri Manchester United fær á baukinn í fjölmiðlum fyrir að hafa talað fallega um Marc Overmars fyrrum yfirmann knattspyrnumála hjá Ajax.

Ten Hag lét af störfum sem þjálfari Ajax í gær en Overmars varð að víkja frá Ajax á tímabilinu eftir. Overmars hætti störfum eftir að ellefu konur stigu fram og sökuðu hann um kynferðislega áreitni. Konurnar sem saka Overmars um kynferðislega áreitni vildu ekki koma fram undir nafni en þær segja hann hafa áreitt þær í samskiptum, meðal annars með því að senda þeim óumbeðnar myndir af getnaðarlim sínum.

Þá sökuðu þrjár af þeim ellefu konum sem stigu fram, Overmars um að hafa beitt þær kynferðislegu ofbeldi á skrifstofum Ajax. Konurnar létu það einnig í ljós að menningin innan Ajax væri karllæg, niðrandi ummæli um konur og klæðaburð þeirra væru algeng hjá félaginu.

„Ef John Derksen snéri aftur í sjónvarp þá getur Overmars mætt aftur til Ajax,“ sagði Ten Hag um vin sinn eftir síðasta leik sinn með Ajax.

Derksen sem er sjónvarpsmaður í Hollandi viðurkenndi á dögunum að hafa áreitt konu kynferðislega fyrir 50 árum en hann er 73 ára í dag.

„Við erum öll manneskjur í þessum heimi og eigum að hjálpa hvort öðru frekar en að skjóta hvort annað í kafi. Ég hef alltaf sagt það að þessi sigur okkar hjá Ajax er líka sigur hans. Við bjuggum þetta lið til saman,“ sagði Ten Hag en Overmars var yfirmaður knattspyrnumála hjá Ajax.

Overmars var ekki lengi án starfs en hann er í dag yfirmaður knattspyrnumála hjá Royal Antwerp. Ten Hag fær að finna fyrir bresku pressunni í dag sem segja ummæli hans klaufaleg og að tímasetning þeirra sé ekki góð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 17 klukkutímum

Fær ekki að fara frá United

Fær ekki að fara frá United
433Sport
Fyrir 17 klukkutímum

Vilja losna við Heimsmeistarann frá Sádí Arabíu – Nokkur félög opna samtalið

Vilja losna við Heimsmeistarann frá Sádí Arabíu – Nokkur félög opna samtalið
433Sport
Fyrir 20 klukkutímum

Gæti Napoli tekið tvo frá United á allra næstu dögum?

Gæti Napoli tekið tvo frá United á allra næstu dögum?
433Sport
Fyrir 21 klukkutímum

Howe og Slot tjá sig um Isak – Newcastle sagt opna á það að hann fari

Howe og Slot tjá sig um Isak – Newcastle sagt opna á það að hann fari