Newcastle United hefur staðfest kaup sín á Chris Wood framherja Burnley en kaupverðið er 25 milljónir punda.
Klásúla var í samningi Wood og gat Burnley ekkert gert til að koma í veg fyrir félagaskipti hans.
Wood skrifar undir tveggja og hálfs árs samning en hann er þrítugur og kemur frá Nýja Sjálandi.
„Þetta er frábært tækifæri og ég er ánægður með að vera leikmaður Newcastle,“ sagði Wood.
„Ég hef spilað á vellinum þeirra nokkrum sinnum og þetta er frábær völlur. Það er sérstakt að fá að spila fyrir þetta félag.“
Newcastle og Burnley eru bæði með ellefu stig í fallsæti en ljóst er að Wood fékk væna launahækkun.