Southampton og Newcastle hafa bæði áhuga á að fá Brandon Williams bakvörð Manchester United í sínar raðir í sumar. Bæði félög vilja fá hann lánaðan.
Williams sem er tvítugur var ekki í stóru hlutverki á liðnu tímabili og vill fá að spila meira.
Williams hafði fengið stórt hlutverk tímabilið á undan en frammistaða hans þar var á köflum ekki mjög sannfærandi.
Ole Gunnar Solskjær stjóri Manchester United er til í að láta Williams fara en Luke Shaw átti stöðuna á liðnu tímabili.
Þá kom Alex Telles til félagsins fyrir ári síðan og er hann helsti keppinautur Shaw um stöðuna.
