fbpx
Sunnudagur 13.júní 2021
433Sport

Pepsi Max-deild karla: FH-ingar voru manni fleiri í 70 mínútur en tókst þó ekki að vinna Íslandsmeistaranna

Helgi Sigurðsson
Sunnudaginn 9. maí 2021 21:15

Sigurður Egill skoraði jöfnunarmark Vals.

Ekki missa af Helstu tíðindum dagsins í pósthólfið þitt

Lesa nánar

FH tók á móti Val í stórleik umferðarinnar í Pepsi Max-deild karla. Heimamenn voru manni fleiri stærstan hluta leiksins en tókst þó ekki að sigra.

Á 7. mínútu leiksins kom hár bolti inn á teig Vals sem Matthías Vilhjálmsson kassaði niður á Steven Lennon. Johannes Vall komst í boltann en var þó nálægt því að renna boltanum í eigið net. Boltinn fór rétt framhjá stönginni.

Rúmum tíu mínútum síðar vann Matthías boltann af Rasmus Christiansen á hættulegum stað. Hann kom boltanum svo út á Jónatan Inga Jónsson. Sá síðastnefndi átti eftir að gera helling en kom sér þó í virkilega gott færi en hann skaut í stöngina.

Um miðjan fyrri hálfleik sauð upp úr á vellinum. Valsarar áttu þá aukaspyrnu úti á miðjum velli. Þegar Haukur Páll Sigurðsson gerði sig líklegan til þess að spyrna í boltann potaði Jónatan hins vegar í knöttinn. Haukur fylgdi sparki sínu samt sem áður eftir með þeim afleiðingum að hann sparkaði beint í Jónatan sem lét sig falla með tilþrifum í grasið. Haukur fékk rautt spjald fyrir þetta. Hann hafði líklega tíma til þess að hætta við sparkið en gerði það ekki. Því hefur dómari leiksins rifið upp rauða spjaldið.

Eins og við var að búast tóku FH-ingar völdin á vellinum, manni fleiri. Mark lá í loftinu undir lok fyrri hálfleiks. Þegar um tíu mínútur lifðu hálfleiksins renndi Lennon boltanum inn fyrir á Jónatan sem var í góðri stöðu en fór illa að ráði sínu. Í næstu sókn á eftir áttu Þórir Jóhann Helgason og Jónatan skemmtilegt ,,einn, tveir“ spil sín á milli, Jóhann var kominn inn á teig Vals en þar var boltinn tæklaður af honum. Hann rataði þó beint á Matthías sem var í góðu færi en Valsmenn komust fyrir skot hans.

Mark heimamann kom þó á 38. mínútu. Þá lék Hörður Ingi Gunnarsson skemmtilega á Kaj Leo og tók skot við vítateigslínu. Skotið fór í Ágúst Eðvald Hlynsson, breytti um stefnu og rataði í markið.

Hálfleikstölur voru 1-0 fyrir FH.

Það kom smá kraftur með gestunum inn í seinni háfleikinn þrátt fyrir að þeira hafi verið manni færri. Eftir að hafa sett nokkurn þunga í sókn sína á upphafsmínútum hálfleiksins urðu þeir þó berskjaldaðir baka til og FH-ingar áttu tvær skyndisóknir með stuttu millibili. Í þeirri fyrri fóru þeir illa að ráði sínu en í þeirri seinni voru Ágúst Eðvald og Jónatan mættir tveir á Sebastian Hedlund í vörn Vals. Varnarmaðurinn gerði þó virkilega vel í að komast inn í sendingu Ágústs sem ætluð var Jónatani. Þá var sá síðarnefndi í kjörstöðu til að skora.

Þegar 20 mínútur lifðu leiksins tókst tíu leikmönnum Vals að jafna leikinn. Patrick Pedersen átti þá frábæra sendingu út á hægri væng á Andra Adolphsson sem tók góðan sprett upp hægri vænginn, gaf langa fyrir meðfram jörðinni yfir til vinstri þar sem Johannes Vall var mættur inn á teig. Pétur Viðarsson náði að renna sér fyrir skot Vall en boltinn barst á Sigurðs Egil Lárusson sem skoraði. Staðan orðin jöfn.

Um fimm mínútum síðar tók Ágúst Eðvald skot sem fór beint á Hannes Þór Halldórsson í marki Vals. Landsliðsmarkvörðurinn missti þó boltann of langt frá sér sem varð til þess að Jónatan Ingi Jónsson fékk boltann í dauðafæri. Vall var þó mættur á elleftu stundu og hreinsaði frá.

Þegar um 10 mínútur lifðu leiks tók Sigurður Egill frábæra aukaspyrnu inn á teig FH. Boltinn datt fyrir Pedersen sem skóflaði boltanum þó framhjá markinu.

Hvorugu liðinu tókst að finna sigurmark og lokatölur urðu 1-1. Valsarar geta verið virkilega sáttir með þetta stig eftir að hafa spilað manni færri í um 70 mínútur.

Bæði lið eru með 4 stig eftir tvær umferðir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Eriksen féll til jarðar og skyndihjálp var beitt – Heimurinn biður fyrir honum

Eriksen féll til jarðar og skyndihjálp var beitt – Heimurinn biður fyrir honum
433Sport
Fyrir 9 klukkutímum

Modric segir enskt fjölmiðlafólk sýna hroka

Modric segir enskt fjölmiðlafólk sýna hroka
433Sport
Fyrir 10 klukkutímum

Íslendingar í útlöndum: Brynjólfur á toppinn í Noregi – Bjarni Mark og félagar í vandræðum í Svíþjóð

Íslendingar í útlöndum: Brynjólfur á toppinn í Noregi – Bjarni Mark og félagar í vandræðum í Svíþjóð
433Sport
Fyrir 11 klukkutímum

Lengjudeild karla: Vestri með flottan heimasigur

Lengjudeild karla: Vestri með flottan heimasigur
433Sport
Fyrir 11 klukkutímum

Segir Rooney vera einn af fimm bestu í sögunni hið minnsta

Segir Rooney vera einn af fimm bestu í sögunni hið minnsta
433Sport
Fyrir 15 klukkutímum

Þetta eru metin sem hinn magnaði Ronaldo getur bætt á EM

Þetta eru metin sem hinn magnaði Ronaldo getur bætt á EM
433Sport
Fyrir 15 klukkutímum

KSÍ kynnir nýjan vallarþul til leiks

KSÍ kynnir nýjan vallarþul til leiks
433Sport
Í gær

,,Ekki oft sem ég efast um kynhneigð mína en stundum bara kemur það fyrir þarna“

,,Ekki oft sem ég efast um kynhneigð mína en stundum bara kemur það fyrir þarna“
433Sport
Í gær

EM 2020: Algjörir yfirburðir Ítala í opnunarleiknum

EM 2020: Algjörir yfirburðir Ítala í opnunarleiknum