Vallarstjórinn á heimavelli austurríska liðsins WSG Swarovski Tirol, þurfti að bregðast fljótt við þegar tók að snjóa fyrir leik liðsins gegn Altach í efstu deild Austurríkis á dögunum.
Tæki sem ætluð eru til hreinsunarstarfs á knattspyrnuvöllum þegar snjóa tekur, voru ekki til á heimavelli WSG Swarovski Tirol. Vallarstjórinn tók málin í sínar eigin hendur fann spotta sem hann batt við stiga sem hann dró síðan á eftir sér yfir völlinn.
Þessi lausn vallarstjórans virkaði mjög vel og hreinsaði snjóinn af vellinum.
