Birkir Bjarnason íhugaði aldrei að draga sig út úr íslenska landsliðshópnum fyrir komandi verkefni. Birkir er einn af fáum reyndari leikmönnum liðsins sem áfram er í hópnum.

Birkir sem leikur í Tyrklandi með Adana Demirspor skoðaði það aldrei að gefa ekki kost á sér.

„Það kom aldrei upp. Mér hefur alltaf fundist ótrúlega gaman að koma í landsliðið og það eru enn margir í starfsliðinu sem voru þegar ég var að stíga mín fyrstu skref. Það er alltaf gott að koma aðeins heim þótt að það sé kalt og rok,“ sagði Birkir á fréttamannafundi í dag.

Gustað hefur í kringum sambandið en níu af 11 leikmönnum liðsins úr byrjunarliði frá því fyrir ári síðan eru ekki í hópnum.

Honum vantar þrjá leiki til að jafna leikjamet Rúnars Kristinssonar en á sama tíma er Birkir Már Sævarsson um leið þremur leikjum frá metinu.

„Þetta leikjamet er ekkert sem ég að velta mér upp úr. Ef Birkir verður á undan í metið þá samgleðst ég með honum,“ sagði Birkir, aðspurður hvort að það væri kapphlaup milli nafnanna hvort myndi ná leikjametinu.