Tæplega þúsund manns tóku þátt í könnun þegar spurt var að því hver ætti að taka stöðu Hannesar Halldórssonar í marki íslenska landsliðsins.

Hannes hefur langt hanskana á hilluna með landsliðinu og því er tækifæri fyrir nýjan mann að eigna sér stöðuna til frambúðar.

Ísland á marga mjög frambærilega markverði en í hópnum að þessu sinni eru Rúnar Alex Rúnarsson, Patrik Sigurður Gunnarsson og Elías Rafn Ólafsson.

Hver á að standa í markinu í komandi landsleikjum? Enginn Hannes og staðan er laus til framtíðar.

— Hörður S Jónsson (@hoddi23) October 4, 2021

Rúnar hefur spilað 12 landsleiki á sínum ferli en Patrik og Elías hafa ekki spilað fyrir A-landsliðið. Rúnar er í láni hjá OH Leuven í Belgíu frá Arsenal en á eftir að spila fyrir félagið.

Patrik er í láni hjá Viking í Noregi frá Brentford og hefur spilað vel síðustu vikurnar. Elías Rafn hefur svo slegið í gegn hjá FC Midtjylland á síðustu vikum. Elías er 21 árs gamall en hann var besti leikmaður danska fótboltans í síðasta mánuði.

82 prósent af þeim sem tóku þátt í könnun okkar vilja að Elías Rafn fái stöðuna í komandi verkefnum gegn Armeníu og Liechtenstein.

Hver á að standa í markinu í komandi landsleikjum? Enginn Hannes og staðan er laus til framtíðar.
Rúnar Alex Rúnarsson – 10 prósent
Patrik Sigurður Gunnarsson – 8 prósent
Elías Rafn Ólafsson – 82 prósent