Jack Rodwell, fyrrum leikmaður Everton, Manchester City og enska landsliðsins, svo eitthvað sé nefnt, sagðist eitt sinn hafa horft á klám í þrjár vikur.

Rodwell er þrítugur í dag en var á þessum tíma leikmaður U-21 árs liðs Englands. Hann fór á Karíbahafið í endurhæfingu.

Blaðamaðurinn Paul Jiggins, rifjaði það upp á dögunum þegar Rodwell sagði honum frá klámáhorfinu.

,,Ég man eftir einni ferð, ég segi bara nafnið á honum, Jack Rodwell. Hann hafði verið frá vegna meiðsla hjá Everton. Hann var að reyna að gera sig gildandi en var illa meiddur. Everton samþykkti að við myndum fá að ræða við hann. Við spurðum hann að því hvernig hann hafi náð bata og hvernig endurhæfingin hafi gengið eftir að hann hafi farið í aðgerð vegna meiðsla sinna. Hann sagðist hafa farið á eyju í Karíbahafinu, setið þar í tölvunni og horft á DVD-myndir í tölvunni sinni,“ sagði Jiggins í hlaðvarpi á dögunum.

Jiggins segir næst hafa spurt hann hvers lags myndir Rodwell hafi horft á.

,,Án þess að hika og án allrar kaldhæðni sagði hann ,,klám““.

Ferill Rodwell náði aldrei þeim hæðum sem vonast var eftir. Hann fékk stór félagaskipti frá Everton til Manchester City en aldrei gekk mikið upp hjá honum þar, meðal annars vegna meiðsla.

Hann hefur síðan leikið með Sunderland, Blackburn og nú síðast Sheffield United.