Jamie O’Hara fyrrum leikmaður í enska boltanum telur útilokað að Manchester United geti landað Erling Haaland framherja Dortmund í sumar. Allt stefnir í að norski markahrókurinn skipti um félag í sumar.
Haaland gekk í raðir Dortmund fyrir rúmu ár en hann er í dag einn besti knattspyrnumaður í heimi. Faðir hans og umboðsmaður funduðu með Barcelona og Real Madrid í síðustu viku.
Manchester United og Manchester City hafa sýnt honum áhuga og sömu sögu er að segja af Chelsea. „United getur ekki fengið Haaland, ástæðan er einföld. United eru ekki nógu gott lið, af hverju ætti hann að fara til United,“ sagði O’Hara.
O’Hara telur að aðrir kostir séu miklu meira spennandi fyrir þennan tvítuga framherja frá Noregi. „Það er í góðu lagi að United þurfi á honum að halda en hann er með Real Madrid, Barcelona og Manchester City á eftir sér. Þau þurfa hann líka.“
„United borgaði metfé fyrir Paul Pogba og hann taldi sig vera að fara í félag sem væri á uppleið. Það hefur ekki virkað og hann hefur lítið unnið. Haaland er ekki fara til United til að vinna eitthvað, hann er fara í lið þar sem hann á möguleika á því að vinna allan pakkann.“
Enski boltinn á 433 er í boði 
