Möguleiki er á því að þrír leikmenn verði lánaðir burt frá Manchester United á næstu dögum áður en félagaskiptaglugginn lokar.
Facundo Pellistri ungur kantmaður félagsins em kom frá Úrúgvæ síðasta haust verður líklega lánaður.
„Það eru nokkur félög sem hafa áhuga á Pellistri, við gætum skoða það. Hann hefur spilað nokkra leiki með varaliðinu en við viljum að hann spili reglulega,“ sagði Ole Gunnar Solskjær, stjóri Manchester United.
Miklar líkur eru á að Jesse Lingard fari á láni og möguleiki er á að Brandon Williams fari einnig.
„Þeir tveir eru hluti af félaginu, hluti af hópnum og æfa vel. Það hefur ekkert samkomulag við neitt félag, það er smá tími eftir. Það hafa mörg félög áhuga á okkar leikmönnum.“
Þá er möguleiki á því að Marcos Rojo og Sergio Romero yfirgefi félagið en hvorugur hefur komið við sögu á þessu tímabili.
