Þór/KA sigraði FH 1-2 í fallbaráttuslag Pepsi-Max deildar kvenna í dag. Leikið var á Kaplakrikavelli.
Berglind Baldursdóttir kom Þór/KA yfir á 15. mínútu. FH svaraði fyrir sig á 21. mínútu þegar Phoenetia Maiya jafnaði leikinn með marki úr vítaspyrnu.
Berglind Baldursdóttir var síðan aftur á ferðinni fyrir Þór/KA þegar hún skoraði annað mark liðsins á 65. mínútu. Fleiri mörk voru ekki skoruð í leiknum.
Þór/KA kom sér með þessum sigri úr fallsæti og upp fyrir FH. Liðið er í 8. sæti með 15 stig. FH er eftir leikinn í 9. sæti deildarinnar með 13 stig.
FH 1 – 2 Þór/KA
0-1 Berglind Baldursdóttir (’15)
1-1 Phoenetia Maiya (’21)
1-2 Berglind Baldursdóttir (’65)
