Clara Sigurðardóttir hefur skrifað undir árs samning við ÍBV sem leikur í Pepsi-max deild kvenna. Þetta var tilkynnt á heimasíðu ÍBV í dag.
Clara lék með Selfossi á síðustu leiktíð þar sem hún spilaði 18 leiki í deild og bikar og skoraði eitt mark. Clara á að baki fjölda leikja fyrir yngri landslið Íslands.
Clara er uppalin í ÍBV og hefur spilað 57 leiki með félaginu.
Fyrr í mánuðinu tilkynnti ÍBV að Kristín Erna Sigurlásdóttir hafi skrifað undir samning við félagið eftir árs dvöl hjá KR.
