Flestir lykilmenn Íslands mæta ekki til leiks þegar liðið mætir Englandi og Belgíu í Þjóðadeildinni. Jóhann Berg Guðmundsson, Alfreð Finnbogason, Gylfi Þór Sigurðsson og Aron Einar Gunnarsson mæta ekki til leiks.
Ástæðan er misjöfn en Jóhann Berg og Alfreð hafa verið meiðslum hrjáðir síðustu ár. Þá er Ragnar Sigurðsson meiddur þessa stundina.
Andri Fannar Baldursson leikmaður Bologna er í hópnum en hann hefur vakið athygli fyrir vaska framgöngu í Seriu A og þá er bakvörðurinn Alfons Sampsted í hópnum.. Þá er Viðar Örn Kjartansson ekki með en hann gekk í dag í raðir Valerenga.
Hólmbert Aron Friðjónsson sem raðað hefur inn mörkum með Álasundi í Noregi fær tækifærið í hópnum og Kolbeinn Sigþórsson er heill heilsu.
Fjórir markmenn eru valdir í hópinn en Hannes Þór Halldórsson sleppir seinni leiknum gegn Belgíu og sömu sögu er að segja af Kára Árnasyni. Ástæðan er sú að þeir yrðu að fara í sóttkví við heimkomu og yrðu þá ekki leikfærir með sínum félagsliðum.
Hópurinn:
Hannes Þór Halldórsson | Valur
Ögmundur Kristinsson | Olympiacos
Rúnar Alex Rúnarsson | Dijon FCO
Patrik Sigurður Gunnarsson | Brentford
Ari Freyr Skúlason | KV Oostende
Hörður Björgvin Magnússon | CSKA Moskva
Kári Árnason | Víkingur R.
Guðlaugur Victor Pálsson | SV Darmstadt 98
Sverrir Ingi Ingason | PAOK
Hólmar Örn Eyjólfsson | Levski Sofia
Jón Guðni Fjóluson
Alfons Sampsted | Bodø/Glimt
Hjörtur Hermannsson | Bröndby
Samúel Kári Friðjónsson | Paderborn
Birkir Bjarnason | Brescia
Emil Hallfreðsson
Andri Fannar Baldursson | Bologna
Arnór Ingvi Traustason | Malmö FF
Arnór Sigurðsson | CSKA Moskva
Jón Dagur Þorsteinsson | AGF
Mikael Neville Anderson | Midtjylland
Jón Daði Böðvarsson | Millwall
Kolbeinn Sigþórsson | AIK
Hólmbert Aron Friðjónsson | Aalesund
Albert Guðmundsson | AZ Alkmaar