fbpx
Laugardagur 31.október 2020
433Sport

Heilbrigðisráðuneytið hafnaði beiðni KSÍ – Meta hvort það sé raunhæft að halda mótinu áfram

Máni Snær Þorláksson
Föstudaginn 7. ágúst 2020 16:26

Svandís Svavarsdóttir, heilbrigðisráðherra

Ekki missa af Helstu tíðindum dagsins í pósthólfið þitt

Lesa nánar

Valgeir Sigurðsson, formaður mótanefndar KSÍ ræddi í dag við Fótbolta.net um stöðu mála í knattspyrnunni á Íslandi en kórónuveiran hefur undanfarið sett stórt strik í reikninginn hjá hreyfingunni.

Heilbrigðisráðuneytið hafnaði því í dag að KSÍ fengi undanþágu frá samkomubanni svo knattspyrnuleikir gætu farið fram á næstunni. „Við funduðum í kringum hádegið og erum að meta stöðuna,“ sagði Valgeir um málið. „Okkar beiðni var hafnað og því frestuðum við því öllum mótum í meistara, öðrum og þriðja flokki til 13. ágúst. Miðað við fréttir frá Almannavörnum og sóttvarnalækni þá er staðan okkur ekkert sérstaklega í hag. Við þurfum að meta næstu daga hvar við stöndum og hvort það sé raunhæft að halda mótahaldinu áfram að sinni.

KSÍ setti fram nýja reglugerð fyrr á árinu ef ske kynni að kórónuveiran myndi hafa áhrif á fótboltann hér á landi. Íslandsmótin þurfa nú að klárast í nóvember en ef búið er að leika 2/3 af mótinu þá er hægt að ljúka því eins og það stendur ef ekki gefst færi á að spila meira.

„Við eigum ennþá tíma. Næstu dagar og næstu vikur munu skýra þetta frekar. Við tókum þessa ákvörðun í dag í samræmi við tilmæli sóttvarnaryfirvalda að fresta til og með 13. ágúst. Mögulega koma fram einhverjar nýjar upplýsingar eða tilmæli í næstu viku og við munum að sjálfsögðu fylgjast með því og bregðast við í framhaldinu. Staðan er óheppileg og á vissan hátt óljós en þannig er heimurinn í dag“

Valgeeir segir að það muni klárlega ekki vera spilaður fótbolti á meðan það er ekki heimilað. „Við erum komin mjög langt inn í sumarið og höfum leikið frekar fáa leiki í öllum deildum. Vandinn hefur safnast upp og við þurfum að meta á næstunni hvort það sé raunhæft að halda áfram. Núna er mikilvægt að við náum árangri í baráttunni við þessa veiru og vonandi getum við öll lagst á eitt í því. Það er stóra málið.“

Beiðnin sem heilbriðgðisráðuneytið hafnaði innihélt atriði sem byggja á því sem þýska og danska knattspyrnusambandið hefur unnið með í tengslum við þeirra leiki. Þá var einnig stuðst við leiðbeiningar UEFA. „Þar er talað um að halda fjarlægð á varamannabekkjunum enda er samneytið mest þar. Ekki nota sameiginleg ílát utan leikvallarins og ýmis slík atriði sem að menn hafa unnið með annar staðar og hafa gefist vel,“ sagði Valgeir en ljóst er að þetta dugði ekki heilbrigðisyfirvöldum sem vilja enn að öllu sé frestað til og með 13. ágúst næstkomandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 7 klukkutímum

Aron Einar skoraði í sigri Al Arabi – Komnir í úrslitin

Aron Einar skoraði í sigri Al Arabi – Komnir í úrslitin
433Sport
Fyrir 8 klukkutímum

Forráðamenn City rólegir þrátt fyrir sögurnar í Katalóníu

Forráðamenn City rólegir þrátt fyrir sögurnar í Katalóníu
433Sport
Fyrir 12 klukkutímum

„Það koma stærri próf fyrir Rúnar Alex en hann stóðst þetta án vandræða“

„Það koma stærri próf fyrir Rúnar Alex en hann stóðst þetta án vandræða“
433Sport
Fyrir 13 klukkutímum

Eistun hafa verið til vandræða fyrir James

Eistun hafa verið til vandræða fyrir James
433Sport
Fyrir 17 klukkutímum

Reglur um samkomutakmarkanir mölbrotnar á Hlíðarenda í gær – Sjáðu myndskeiðið

Reglur um samkomutakmarkanir mölbrotnar á Hlíðarenda í gær – Sjáðu myndskeiðið
433Sport
Í gær

Goðsögn horfði spennt á Rúnar

Goðsögn horfði spennt á Rúnar
433Sport
Í gær

Rúnar Alex byrjar í sínum fyrsta leik fyrir Arsenal

Rúnar Alex byrjar í sínum fyrsta leik fyrir Arsenal
433Sport
Í gær

Sá Giggs í fyrsta skiptið og ákvað að kýla hann hressilega

Sá Giggs í fyrsta skiptið og ákvað að kýla hann hressilega