Donis Avdijaj, fyrrum leikmaður Schalke, sér verulega eftir því að hafa hafnað Liverpool á sínum tíma.

Liverpool reyndi að fá Avdijaj þegar hann var táningur en ferill leikmannsins hefur ekki staðist væntingar.

Árið 2018 samdi Avdijaj við Willem II í Hollandi en ekki löngu seinna var hann farinn tiol Hearts í Skotlandi.

Í dag er leikmaðurinn samningslaus en hefði getað gengið í raðir Liverpool 18 ára gamall.

,,Það sem ég sé mest eftir á ferlinum var að hafna risatilboði frá Liverpool áður en ég krotaði undir framlengingu,“ sagði Avdijaj.

,,Þetta var eitthvað sem skipti mig miklu máli. Ég fékk einnig tilboð frá Real Madrid.“