Jón Jónsson, einn vinsælasti tónlistarmaður landsins átti flottan feril sem knattspyrnumaður með FH. Jón var ólseigur bakvörður, gat hlaupið mikið og gaf aldrei tommu eftir.

Sportið í kvöld á Stöð2 Sport og rifjaði upp leikinn þar sem Stjarnan varð Íslandsmeistari með 2-1 sigri á FH, árið 2014. Um er að ræða einn frægasta leik sem hefur verið á Íslandi.

Jón varð aðeins reiður í leiknum þegar Stjarnan fékk vítaspyrnu undir lok leiksins og tryggði sér sigur í deildinni. ,,Ég hef einu sinni séð Jón Jónsson virkilega reiðan, það var þegar vítaspyrnan var dæmd,“ sagði Ríkharð Óskar Guðnason, sem stýrði þættinum Sportið í kvöld á Stöð2 Sport, þegar leikurinn var gerður upp í vikunni.

Davíð Þór Viðarsson, fyrrum fyrirliði FH sagði að Ríkharð hefði ekki séð allt. Að þessi ljúfi maður geti orðið alveg snælduvitlaus.

,,Þú greinilega hittir á hann þegar hann er í góðu skapi, ég hef séð hann snælduvitlausan oftar en einu sinni. Ég verð að taka það fram, á mjög eðlilegan hátt,“ sagði Davíð léttur í lund en hann og Jón eru frændur.

,,Hann er mikill keppnismaður, það fer ekki vel í hann að tapa. Stangir, veggir og dauðir hlutir fengið að finna fyrir því. Það er ágætt.“