Jude Bellingham, 16 ára leikmaður Birmingham er sagður ætla að hafna Manchester United og fleiri liðum til að ganga í raðir Borussia Dortmund.
Bellingham er öflugur miðjumaður sem hefur vakið mikla athygli fyrir vaska framgöngu sína.
Þessi ungi drengur hefur fundað með mörgum liðum og sást meðal annars mæta á æfingasvæði Manchester United þar sem hann fundaði með Ole Gunnar Solskjær og Sir Alex Ferguson.
Bild í Þýskalandi segir að Bellingham vilji hins vegar ganga í raðir Dortmund, hann vilji fara sömu leið og Jadon Sancho.
Sancho fór ungur frá Manchester City og gekk í raðir Dortmund, þar hefur hann slegið í gegn.
