Þorsteinn Már Ragnarsson, leikmaður Stjörnunnar í Pepsi Max-deild karla má ekki mæta á æfingar liðsins næstu tvær vikur. Þorsteinn hafði farið á fund með manninum sem greindist fyrst með COVID-19 veiruna hér á landi. Fótbolti.net segir frá.

Sagt er að Þorsteinn hafi fundað með manninum sem greindist hér á landi á föstudag, síðan hafa tveir aðrir aðilar greinst.

Maðurinn mætti til vinnu í upphafi síðustu viku en varð síðan veikur. Veiran er að breiðast hratt út um Evrópu þessa dagana.

Fótbolti.net segir ekkert benda til þess að Þorsteinn sé með veiruna en hann þarf að vera í sóttkví næstu tvær vikurnar. Um 300 aðilar á Íslandi eru í sóttkví þessa dagana.

Pepsi Max-deild karla hefst eftir tæpa tvo mánuði en fjarvera Þorsteins gæti haft áhrif á undirbúning hans.