Fylkir og Víkingur Reykjavík áttust við í Lengjubikarnum um helgina en þeim leik lauk með 0-2 sigri Víkinga. Óhugnanlegt atvik átti sér stað í leiknum þegar Halldór Smári Sigurðsson, varnarmaður Víkings fékk þungt höfuðhögg í leiknum og óttuðust margir það versta. Hann lenti í samstuði við Arnór Gauta Ragnarsson, sóknarmann Fylkis.

,,Leikurinn var stöðvaður í um fimmtán mínútur, um tíma hélt óttaðist ég hreinlega um líf Halldórs,“ sagði áhorfandi á vellinum í samtali við 433.is um helgina.

Bæði Halldór og Arnór voru fluttir af vettvangi í sjúkrabíl en eru á batavegi. ,,Ég man bara fyrst eftir mér í sjúkrabílnum þegar ég var rétt ókominn niður á spítala,“ sagði Halldór við Fótbolta.net í dag.

Meira:
Óhugnanlegt atvik í Árbænum í kvöld: Fólki stóð ekki á sama og óttaðist um líf Halldórs

Þeir sem voru á vellinum óttuðust margir um líf Halldórs þar sem hann á hreyfingarlaus á vellinum.

„Ég held að það sé alltaf ákveðið sjokk að sjá einhvern hreyfingarlausan eftir höfuðhögg og því leit þetta kannski ekkert sérstaklega vel út.“