Daniel Sturridge, fyrrum leikmaður Liverpool, er án félags þessa stundina en hann er staddur í Los Angeles.
Sturridge er í fríi í Bandaríkjunum en samningur hans við Liverpool rann út í lok síðasta mánaðar.
Englendingurinn er í sárum sínum þessa stundina en það var brotist inn í húsið hans í Los Angeles um helgina.
Sturridge leitar að hundinum sínum Lucci en talið er að honum hafi verið stolið.
Sturridge sýndi hvernig þjófarnir komust inn í húsið sitt og má sjá að ein hurðarrúða hefur verið mölbrotin.
„Það hefur einhver brotist inn til mín í LA og hundinum mínum var stolið. Hver sem þú ert, ég skal borga þér hvað sem er,“ sagði Sturridge.
„Mér er alvara. Ég vil vita hver tók hann. Ég vil vita hvað átti sér stað. Af hverju tókuð þið hundinn minn?“
Sturridge er reiðubúinn að borga 20–30 þúsund pund ef einhver nær að finna hundinn hans á næstu dögum.
