Ögmundur Kristinsson, markvörður AEL Larissa, skráði sig í sögubækurnar um síðustu helgi í leik gegn Volos.
Íslendingavaktin greinir fyrst allra frá þessu en Ögmundur spilaði allan leikinn í 2-1 sigri Larissa.
Íslenski landsliðsmaðurinn hefur staðið sig vel í Grikklandi og er fastamaður í Larissa sem er í efstu deild.
Ögmundur varð um síðustu helgi fyrsti markvörður sögunnar til að leggja upp tvö mörk á einu tímabili.
Stoðsendingarnar komu með aðeins 34 daga millibili en það er alls ekki algengt að markverðir leggi upp mörk.