Stórfurðulegt atvik átti sér stað í Króatíu um helgina er lið FK Zelengrad spilaði leik í neðri deild þar í landi.

Knattspyrnumaðurinn Ivan Gazdek var á mála hjá Zelengrad en hann var rekinn af velli með rautt spjald um helgina.

Gazdek var eitthvað pirraður í leiknum þrátt fyrir að lið hans hafi unnið sannfærandi 8-1 sigur.

Í miðjum leik þá tók Gazdek upp á því að sparka í lifandi hænu og reyndist eitt spark nóg til að drepa dýrið.

Gazdek segist þó vera mikill dýravinur og á bæði hund og kött.

,,Ég hljóp í átt að hænunum til að fæla þær burt, ég sparkaði fætinum og drap eina óvart,“ sagði Gazdek eftir atvikið.

,,Ég á hund og tvo ketti og átti líka páfagauk en því miður þá féll hann frá nýlega.“

Myndir af þessu má sjá hér.