Mauricio Pochettino, stjóri Tottenham ætlar að hreinsa til í leikmannahópi sínum í janúar. Ef hann verður í starfi.

Tottenham er í frjálsu falli og vill stjórinn sjá breytingar á leikmannahópi sínum.

Eric Dier er þar á meðal en ekki er langt síðan að Manchester United vildi kaupa Dier sem þá var ekki til sölu.

Christian Eriksen, Serge Aurier, Victor Wanyama og Danny Rose eru einnig komnir á sölulista Pochettino í janúar, ef marka má frétt The Times.

Eriksen verður samningslaus næsta sumar og vill Tottenham reyna að fá smá pening í kassann, í stað þess að missa hann frítt.