Plamen Iliev, markvörður Búlgaríu, er langt frá því að vera vinsæll í Englandi þessa stundina og annars staðar í Evrópu.

Eins og flestir vita þá urðu leikmenn Englands fyrir kynþáttafordómum í leik gegn Búlgaríu um helgina.

Framkoma stuðningsmanna Búlgaríu var hreint út sagt viðbjóðsleg og hefur formaður knattspyrnusambandsins til að mynda sagt af sér.

Iliev vill meina að leikmenn Englands hafi ekki orðið fyrir fordómum þó að það sé til á myndbandi.

,,Ef ég á að vera hreinskilinn þá tel ég að stuðningsmennirnir hafi hagað sér vel,“ sagði Iliev.

,,Það var ekkert áreiti í gangi sem ég heyrði og ég held að ensku leikmennirnir séu að ýkja þetta.“

,,Ég heyrði ekkert svona gagnvart þeirra eða okkar leikmönnum.“