Ágúst Gylfason hefur skrifað undir þriggja ára samning við Gróttu, þetta var gert á fréttamannafundi nú rétt í þessu.
Ágúst tekur við Gróttu af Óskari Hrafni Þorvaldssyni sem tók við starfi Ágústar, í Kópavogi. Ágúst var rekinn frá Breiðabliki eftir tvö ár í starfi, þar skilaði hann Blikum í annað sæti bæði árin.
Guðmundur Steinarsson var á sama tíma ráðinn aðstoðarþjálfari Ágústar, þeir unnu saman hjá Blikum og Fjölni.
Grótta er í fyrsta sinn komið upp í Pepsi Max-deildina en liðið vann 1. deildina í sumar, magnaður árangur eftir að hafa farið upp úr 2. deildinni árið 2018.
Ágúst hefur góða reynslu úr efstu deild og verður áhugavert að sjá hvernig honum vegnar í þessu áhugaverða starfi.