Jurgen Klopp, stjóri Liverpool, hafnaði Manchester United á sínum tíma er hann var atvinnulaus.
Þetta segir Robbie Fowler, fyrrum leikmaður Liverpool, en hann ræddi við Klopp fyrir nokkrum árum síðan.
Klopp hefur stýrt liði Liverpool undanfarin fjögur ár en var áður hjá Dortmund þar sem gekk vel.
,,Ég tók viðtal við hann fyrir nokkrum árum og hann sagðist hafa hafnað nokkrum forríkum félögum eftir Dortmund,“ sagði Fowler.
,,Eitt af þeim var klárlega Manchester United og hitt örugglega Real Madrid – hann hataði hvernig félögin voru bara rekin á auglýsingum.“