Erik Hamren, landsliðsþjálfari, var súr á svip í dag eftir leik gegn Andorra sem vannst, 2-0.
Ísland gerði sitt í kvöld en á sama tíma gerðu Frakkar jafntefli við Tyrkland sem er ekki gott fyrir okkur.
Ísland þarf nú að vinna í Tyrklandi og treysta á það að Tyrkland tapi stigum gegn Andorra í lokaumferðinni til að komast beint á EM.
,,Fyrsta markið var mjög mikilvægt og um leið og staðan er orðin 2-0 þá teljum við þetta vera komið,“ sagði Hamren við RÚV.
,,Við hefðum kannski átt að skora eitt í viðbót en stigin þrjú eru mikilvægust og við gerðum það sem við þurftum að gera.“
,,Frakkar gerðu ekki það sem þeir þurftu að gera og það var ekki sama gleðin eftir sigurleik og vanalega.“
,,Ég heyrði af þessu þegar leikurinn var búinn og það er hægt að sjá líkamstjáningu leikmannana, þeir vita að þetta verður erfitt.“