Gylfi Þór Sigurðsson var eins og aðrir leikmenn Íslands svekktur eftir leik við Andorra í kvöld.
Ísland gerði sitt og vann 2-0 heimasigur á Andorra en Frakkar misstigu sig á sama tíma.
Frakkland gerði 1-1 jafntefli við Tyrkland sem þýðir að Ísland þarf að treysta á Andorra.
,,Þetta var kannski ekki erfiður leikur en gríðarlega svekkjandi að fá þessi tíðindi undir lokin,“ sagði Gylfi.
,,Það er lítið annað hægt að gera en að vinna báða leikina sem eru eftir og vonast eftir einhverju kraftaverki.“